कपिलवस्तुको सुरही पुलमा बस दुर्घटना हुँदा १० जनाको मृत्यु

काठमाडौं– पूर्व पश्चिम राजमार्गअन्तर्गत कपिलवस्तुको शिवराज नगरपालिका–१ सुरही पुल नजिकै बस दुर्घटना हुँदा १० को मृत्यु र ३० जना घाइते भएका छन्।
महेन्द्रनगरबाट काठमाडौं आउँदै गरेको सुपप्र ०२–००१ ख ००९८ नम्बरको बस दुर्घटना सुरही पुल नजिक दुर्घटनामा परेको कपिलवस्तुका प्रमुख जिल्ला अधिकारी विश्वप्रकाश अर्यालले बताए।
घाइते ३० मध्ये ९ जनालाई थप उपचारका लागि बुटवल रिफर गरिएको उनको भनाइ छ।
सुनौलो महाकाली यातायातको बस गए राती २ बजे सडकबाट २०० मिटर तल खसेको राजमार्ग सुरक्षा तथा ट्राफिक व्यवस्थापन प्रदेश कार्यालय बुटवलले जनाएको छ।
कपिलवस्तु प्रहरीका अनुसार दुर्घटनामा मृत्यु भएका १० जनाको पहिचान खुलेको छ। जिल्ला प्रहरी कार्यालय कपिलवस्तुका प्रहरी नायव उपरीक्षक हरि वलीका अनुसार सनाखत भएका मृतकमा रौतहट औराही–३ का ४६ वर्षीय नारायणबहादुर भण्डारी, नेपाली सेनाको कालीजंग गण गोरुसिंगेमा कार्यरत सल्यानका अर्जुनकुमार योगी र भारत उत्तरप्रदेश मुरदावादका सकिल मुसलमान, कञ्चनपुरको भीमदत्त नगरपालिका–१ का २७ वर्षीय राहुलराम कामी, भीमदत्त–४ का २४ वर्षीय उमेश भण्डारी, भीमदत्त– १६ का सञ्जु थापा, पुनर्वास नगरपालिकाका किन भट्ट रहेका छन्।
यसैगरी, भीमदत्त नगरपालिकाका खगेश्वरी खाती, भीमदत्त–२ का सुदीप भट्ट र पुनर्वास–९ का बिसफाँटा विमलादेवी भट्टको पहिचान खुलेको हा