प्रमुख समाचार
Sunday, 31 Dec, 2023
गुरुङ समुदायले मनाउँदै तमु ल्होसार
काठमाडौँ–गुरुङ समुदायले आज ‘तमु ल्होसार’ पर्व मनाउँदै छन्। हरेक वर्षको १५ पुसमा गुरुङ समुदायले तमु ल्होसार पर्व मनाउने गर्छन् । यो ल्होसारलाई तोला ल्होसार पनि भनिन्छ ।
तमु भन्नाले गुरुङ समुदायलाई चिनाउँछ भने ल्होसार भन्नाले नयाँ वर्ष भन्ने अर्थ लाग्दछ। अर्थात्, तमु ल्होसारलाई गुरुङ समुदायले नयाँ वर्षका रूपमा मनाउने गर्छन्।
यस दिन गुरुङ समुदायले हर्षोल्लासका साथ आफ्नो भेषभूषा र नयाँ परिकार ग्रहण गरी नयाँ वर्षलाई स्वागत गर्दछन्। ल्होसार पर्व अवसरमा सरकारले सार्वजनिक बिदा दिएको छ।
सोही अवसरमा राष्ट्रपति, प्रधानमन्त्री, कांग्रेस सभापति, एमाले अध्यक्षलगायतका नेताहरुले गुरुङ समुदायलाई शुभकामना दिएका छन्।
