बजारको माग अनुरप तरकारी उत्पादन गर्ने
सप्तरी, २ माघ । जीविकोपार्जनका लागि तरकारीखेती आयोजना अन्तर्गत सप्तरी जिल्लामा बजारको माग अनुसार तरकारी उत्पादन गरी पूर्ति गर्र्र्ने कार्य आरम्भ भएको छ ।
कृषि विकास मन्त्रालय, व्यवसायिक कृषि तथा व्यापार आयोजना (प्याक्ट) तथा विश्व बैंकको सहयोगमा सप्तरीको मलेठ, इटहरी विषणुपुर र बोरालगायतका विभिन्न गाविसमा तरकारी उत्पादन, भण्डारण र बजारीकरणका लागि तयारी गरिएको जिल्ला कृषि विकास कार्यालयले जनाएको छ ।
आयोजना अन्तर्गत मनोकामना मिश्रित कृषक समूहले मलेठमा तरकारी उत्पादन गर्नेछ । ‘सोनाइ बीज भण्डार’ एन्ड सप्लार्यसले तरकारी खरिद बिक्री र बजारी करण गर्नेछ ।
तरकारी उत्पादनका लागि रामजानकी कृषक समूहले र ३६ लाख ५० हजार लगानी गर्ने र प्याक्टले ३४ लाख ९० हजार अनुदान दिने सोनाइ बीज भण्डार एन्ड सप्लार्यसका सञ्चालक सोनाइ दासले बताउनुभयो ।
यसैगरी मनकामना मिश्रित कृषक समूहले रु ३४ लाख ८२ हजार लगानी गर्ने र प्याक्टले रु ३४ लाख ४४ हजार अनुदान दिनेछ । बजारीकरणका लागि सोनाइ बीज भण्डार एन्ड सप्लार्सले रु ५६ लाख ५४ हजार लगानी गर्ने र प्याक्टले त्यसको लागि रु २४ लाख ८० हजार रकम अनुदान दिनेछ ।
प्याक्ट संस्थाको लगानी र अनुदानबाट भौतिक पूर्वाधार, उपकरण, उत्पादन सामग्री खरिद गरी मनोकामना मिश्रित कृषक समूहले एक वर्षमा ५४ मेट्रिक टन काउली र बन्दा कोबी उत्पादन गर्ने लक्ष्य लिएको मनोकामना समूहका अशोक यादवले बताउनुभयो ।
प्याक्टका अनुगमन तथा मूल्याङ्कन अधिकृत पे्रमकुमार यादवका अनुसार १८ वटा संस्थाले तरकारी, दूध, कुखुराको मासु र गोलभेडा र अचारको व्यवसायीकरण गरी बजारको मागअनुरप पूर्ति गर्ने सोच बनाएको छ । रासस
