पूर्वप्रधानमन्त्री माधवकुमार नेपाल बिरुद्ध भ्रष्टाचार मुद्दा दायर
मबाट कुनै अनुचित र भ्रटाचारजन्य काम भएको छैन: पूर्व प्रधानमन्त्री नेपाल
गृह जिल्ला रौतहटबाट काठमाडौँ फर्कने क्रममा सिमरा विमानस्थलमा सञ्चारकर्मीहरु संक्षिप्त कुरा गर्दै पूर्व प्रधानमन्त्री नेपालले आफूले एक रुपैयाँ पनि पैसा कतैबाट नलिएको प्रतिकृया दिनुभयो ।
पूर्व प्रधानमन्त्री नेपालले आफूले कुनै पनि अनुचित रकम नलिएको र कुनै मन्त्री वा कसैलाई गलत काम गर्न दवाव पनि नदिएको प्रष्ट पार्नुभएको छ ।
उहाँले आफूलाई पूर्वाग्रह साँधेर फसाइएको टिप्पणी पनि गर्नुभयो ।
अख्तियार दुरुपयोग अनुसन्धान आयोगले पतञ्जली योग पीठ तथा आयूर्वेद कम्पनी नेपालको जग्गा प्रकरण सम्बन्धमा पूर्वप्रधानमन्त्री माधवकुमार नेपालसहित ९३ जनाविरुद्ध विशेष अदालतमा आज आरोप पत्र दायर गरेको थियो ।
सो आरोपपत्र दायर भएसँगै नेकपा (एकीकृत समाजवादी)का अध्यक्षसमेत रहनुभएका पूर्वप्रधानमन्त्री नेपालको सांसद पद स्वतः निलम्बन भएको छ ।
