प्रमुख समाचार
Tuesday, 23 Jul, 2024
बाढीपहिरोले ९ सडक अवरुद्ध
काठमाडौं– सडक विभागले लगातारको वर्षापछि गएको बाढीपहिरोले मुलुकभरका ९ सडक पूर्ण रुपमा अवरुद्ध र १५९ सडक एकतर्फी सञ्चालन भइरहेको बताएको छ। विभागले जारी गरेको तथ्यांकअनुसार गत २४ घन्टामा ९ वटा सडक पूर्ण रुपमा र १५९ सडक एकतर्फी सञ्चालन भइरहेका हुन्।
विभागका अनुसार डुम्रे–बेंसीसहर–चामे, तानसेन–रिडी–कोरला, पुष्पलाल ९मध्यपहाडी० राजमार्गको बागलुङ, र डोटीलगायत सडकखण्ड पूर्ण रुपमा अवरुद्ध भएको छ। विभागका अनुसार विभिन्न स्थानमा पहिरो पन्छाउने काम भइरहेको छ। विभागले रातीको समय बाढीपहिरोजस्ता मनसुनजन्य विपद्का कारण यात्रा असुरक्षित हुने भन्दै आउजाउ नगर्न सुझाएको छ। वर्षाका बेला क्षतिबाट बच्न तथा दैनिक जनजीवन, कृषि, स्वास्थ्य, पर्यटन, पर्वतारोहण, सडक तथा हवाई यातायातमा आंशिक असर पर्ने सम्भावना रहेकाले आवश्यक सतर्कता अपनाउन महाशाखाले आग्रह गरेको छ।
