प्रमुख समाचार
Friday, 19 Jul, 2024
मन्त्रिपरिषद् समितिमा पाँच सदस्यीय समिति गठन
काठमाडौं–सरकारले मन्त्रिपरिषद्का पाँच समिति गठन गरी तिनका संयोजक तोकेको छ। प्रधानमन्त्री केपी शर्मा ओलीको अध्यक्षतामा बिहीबार सिंहदरबारमा बसेको मन्त्रिपरिषद् बैठकले राजनीतिक, प्रशासन, आर्थिक पूर्वाधार, विधेयक र सामाजिक समिति संयोजक तोकेको हो।
सरकारका प्रवक्ता एवं सञ्चार तथा सूचना प्रविधिमन्त्री पृथ्वीसुब्बा गुरुङका अनुसार बैठकले राजनीतिक समिति संयोजकमा उपप्रधान एवं सहरी विकासमन्त्री प्रकाशमान सिंह र आर्थिक पूर्वाधार समिति संयोजकमा उपप्रधान एवं अर्थमन्त्री विष्णुप्रसाद पौडेललाई तोकेको छ।
प्रशासन समिति संयोजकमा सञ्चार तथा सूचना प्रविधिमन्त्री गुरुङ, सामाजिक समिति संयोजकमा श्रम, रोजगार तथा सामाजिक सुरक्षामन्त्री शरतसिंह भण्डारी र विधेयक समिति संयोजकको जिम्मेवारी गृहमन्त्री रमेश लेखकलाई दिइएको छ।
