त्रिशूलीमा बेपत्ता यात्रु खोज्ने क्रममा हराएकोे १९ केजीको चुम्बक भेटियो

काठमाडौं। नरायणगढ–मुग्लिन सडकको सिमलताल दुर्घटनामा बेपत्ता दुई बसको खोजी गर्ने क्रममा हराएको भारतीय टोलीको चुम्बक ९म्याग्नेट० फेला परेको छ। बस खोजी गर्ने क्रममा गत शनिबार १९ किलोको चुम्बक र लाइफ ब्वाई ट्युब त्रिशूली नदीले बगाएर हराएको थियो।
उक्त चुम्बक आज बिहान काभ्रेघाटस्थित नारायणी नदीमा फेलापरेको प्रमुख जिल्ला अधिकारी इन्द्रदेव यादवले जानकारी दिए। चुम्बकसँगै लाइफ ब्वाई ट्युब पनि फेला परेको उनले बताए।
गत असार २८ गते वीरगञ्जबाट काठमाडौँतर्फ आउँदै गरेको बागमती प्रदेश ०३–००६ख १५१६ नम्बरको एञ्जल डिलक्स र काठमाडौँबाट गौरतर्फ जाँदै गरेको बागमती प्रदेश ०३–२४९५ख ००१ नम्बरको गणपति डिलक्स बस चितवनको सिमलतालमा पहिरोसँगै त्रिशूली नदीमा बेपत्ता भएको थियो।
बसमा सवार ६५ जनामध्ये तीनजना हाम फालेर बाँच्न सफल भएका थिए भने ६२ जना बेपत्ता भएका थिए। हालसम्म २४ जनाको शव भेटिएको छ। तीमध्ये १८ जनाको पहिचान खुलेर परिवारलाई बुझाइसकिएको छ। अन्य ६ शवको पहिचान खुल्न सकेको छैन। अझै ३८ यात्रु र बस भेटिएका छैनन्।
हराइरहेको बस खोज्न भारतीय टोली चितवन आएका थियो। उक्त टोलीले बस खोज्न १९ र १४ किलोका दुईवटा चुम्बक ९म्याग्नेट० ल्याएको थियो। यसमध्ये शनिबार बस खोज्ने क्रममा १९ किलोको चुम्बक हराएको थियो।
बस खोजी गर्न नेपाल आएको भारतीय टोली भने आइतबार नै फर्किसकेको छ।