एकै दिन प्रतितोला २४०० रुपैयाँले घट्यो सुन
काठमाडौं–नेपाली बजारमा बिहीबार सुनचाँदीको मूल्य घटेको छ। बुधबार छापावाल सुन प्रतितोला ११०० रुपैयाँले बढेकामा आज एकै दिन छापावाल सुन मूल्य प्रतितोला २४०० ले घटेको नेपाल सुनचाँदी व्यवसायी महासंघले जनाएको हो।
नेपाल सुनचाँदी व्यवसायी महासंघका अनुसार आज छापावाल सुन प्रतितोला १ लाख ४५ हजार र तेजाबी सुन प्रतितोला १ लाख ४४ हजार ३०० याँमा कारोबार भइरहेको छ। बुधबार छापावाल सुन प्रतितोला १ लाख ४७ हजार ४०० र तेजाबी सुन प्रतितोला १ लाख ४६ हजार ७०० मा कारोबार भएको थियो।
नेपाली बजारमा आज चाँदीको मूल्य पनि घटेको छ। चाँदी प्रतितोला १७५० मा कारोबार भइरहेको महासंघले जनाएको छ। बुधबार चाँदी प्रतितोला १८०५ रुपैयाँमा कारोबार भएको थियो। आज चाँदी प्रतितोला ५५ रुपैयाँले घटेको हो। महासंघका अनुसार आज अन्तर्राष्ट्रिय बजारमा सुन प्रतिऔंस २३७५ अमेरिकी डलरमा कारोबार भइरहेको छ।
