७०।१८ अंकले बढ्यो नेप्से परिसूचक, ९ अर्ब बढीको कारोबार

काठमाडौं–मंगलबार नेप्से परिसूचक ७०।१८ अंक बढेको छ। नेप्से ३।१३ प्रतिशतले बढेर २३१०।५९ बिन्दुमा बन्द भएको छ। नेप्से परिसूचक २६ महिनायताकै उच्च बिन्दुमा पुगेको हो। यसअघि २०७९ वैशाख २९ मा नेप्से २३५० बिन्दुमा पुगेको थियो। मंगलबार कारोबार रकम गत ६ महिनायताकै उच्च रहेको छ। आज ९ अर्ब १३ करोड ८६ लाख २९ हजार रुपैयाँको सेयर कारोबार भएको छ। यसअघि गत माघ ३ मा ९ अर्ब ७६ करोडको सेयर कारोबार भएको थियो।
सोमबार आठ अर्ब ७३ करोड १४ लाख ३६ हजार रुपैयाँको सेयर कारोबार भएको थियो।
आज ३१५ वटा धितोपत्रको दुई करोड ५८ लाख ३६ हजार २८५ कित्ता सेयर किनबेच भएको हो।

मंगलबार २३४ कम्पनीको सेयर मूल्य बढेको छ भने ८ वटाको घटेको छ। पाँच कम्पनीको सेयर मूल्य १० प्रतिशतले बढेको छ।
सिन्धु विकास बैंक, बरुण हाइड्रोपावर, ग्रीन डेभलपमेन्ट बैंक, आँखुखोला जलविद्युत र मन्दाकिनी हाइड्रोपावरको मूल्य १० प्रतिशतले बढेको हो।
मंगलबार ङादी ग्रुप पावरपावरको सर्वाधिक कारोबार भएको छ।
कम्पनीको प्रतिकित्ता मूल्य ३६९ रुपैयाँ ९० पैसामा २१ करोड ७७ लाखको सेयर कारोबार भएको हो।

आज कारोबारमा आएका १३ वटा समूहगत परिसूचकमध्ये म्युचुअल फण्ड समूहको परिसूचक ०।४२ प्रतिशतले घटेको छ भने बाँकी सबै समूहको परिसूचक बढ्दा समग्र नेप्से बढेको हो।