प्रमुख समाचार
Tuesday, 16 Jul, 2024
सिमलताल पहिरोः त्रिशूलीमा बेपत्ता दुई बसका १५ यात्रुको शव निकालियो
काठमाडौं– गत शुक्रबार बिहान पहिरोले बगाएर त्रिशूलीमा बेपत्ता भएका दुई बसका यात्रुमध्ये १५ जनाको शव फेला परेको छ। फेला परेका शवमध्ये ८ जनाको परिचय खुलेको सशस्त्र प्रहरीले जानकारी दिएको हो। अन्य शव र बसको खोजी कार्य जारी रहेको जिल्ला प्रहरी कार्यालय चितवनले बताएको छ। खोजी कार्यमा सबै सुरक्षा संयन्त्र र प्रविधि प्रयोग गरिए पनि त्रिशूलीमा बेपत्ता दुई बस अझै फेला पर्न सकेका छैनन्।
काठमाडौंबाट गौरतर्फ गइरहेको बागमती प्रदेश०३–००१ख २४९५ नम्बरको बस र वीरगन्जबाट काठमाडौतर्फ आइरहेको बागमती प्रदेश०३–००६ख १५१६ नम्बरको बस भरतपुर महानगर–२९ सिमलतालमा पहिरो खस्दा शनिबार बिहान त्रिशूलीमा बगेका थिए।
गौरतर्फ गइरहेको बसमा ३८ जना र काठामाडौंतर्फ आइरहेको बसमा सवार २७ जना बेपत्ता भएको प्रहरीले बताएको छ।
