प्रधानमन्त्रीलाई मतदान नगर्न कांग्रेसको ह्वीप

कठमाडौं–नेपाली कांग्रेसले प्रधानमन्त्री पुष्पकमल दाहाललाई विश्वासको मत नदिन प्रतिनिधिसभामा प्रतिनिधित्व गरेका आफ्ना दलका सांसदलाई निर्देशन दिएको छ। प्रधानमन्त्री दाहालले असार २८ गते बिहान ११ बजे सुरु हुने प्रतिनिधिसभाको बैठकमा अनिवार्य उपस्थित हुन, तटस्थ नरहन र प्रधानमन्त्रीले नेपालको संविधानको धारा १०० को उपधारा ९२० बमोजिम आफूमाथि प्रतिनिधिसभाको विश्वास छ भन्ने प्रस्तावको विपक्षमा मतदान गर्न पार्टीले ह्वीप जारी गरेको हो।
पार्टीका प्रमुख सचेतक रमेश लेखकले उक्त निर्देशन जारी गरेका हुन्।
नेपाल कम्युनिष्ट पार्टी ९माओवादी केन्द्र०का अध्यक्षसमेत प्रधानमन्त्री दाहालले १८ महिनामा पाँचौँपटक विश्वासको मत लिन लागेका हुन्। सत्ता साझेदारी गरेको नेपाल कम्युनिष्ट पार्टी ९एमाले०ले समर्थन फिर्ता लिएपछि दाहालले नेपालको संविधानको धारा १०० को उपधारा ९२० अनुसार विश्वासको मत लिन लागेको हो।
संसद्को सबैभन्दा ठूलो दल कांग्रेस र दोस्रो ठूलो एमालेले असार १७ गते आलोपालो सरकारको नेतृत्व लिने गरी नयाँ सरकार गठनको सहमति गरेका छन्।