रास्वपा मन्त्रीहरुले तत्काल राजीनामा नदिने

काठमाडौं– राष्ट्रिय स्वतन्त्र पार्टी ९रास्वपा० का तर्फबाट संघीय सरकारमा सहभागी मन्त्रीहरुले तत्काल पदबाट राजीनामा नदिने भएका छन्। प्रधानमन्त्री पुष्पकमल दाहालसँगको छलफलपछि उनीहरुले राजीनामा दिने निर्णय केही समयका लागि स्थगन गरेका हुन्। प्रधानमन्त्री निवास बालुवाटारमा आज प्रधानमन्त्री दाहाललाई राजीनामा पत्र बुझाउन पुगेका रास्वपा मन्त्रीहरुले प्रधानमन्त्रीसँगको छलफलपछि साथ दिने निर्णयमा पुगेको रास्वपा संसदीय दलका प्रमुख सचेतक सन्तोष परियारले जानकारी दिए।
‘प्रधानमन्त्रीले पछिल्लो राजनीतिक घटनाक्रम जसरी अघि बढेको छ, संवैधानिक अधिकारको प्रयोग गर्छु, संसद् फेस गर्छु भन्नुभएको छ। उहाँको संवैधानिक अधिकारको सम्मान गर्दै हामीले कमसेकम सदनलाई फेस गर्दासम्म साथ दिने गरी राजीनामा स्थगन गरेका हौं’, प्रमुख सचेतक परियारले भने।
चाँडोभन्दा चाँडो संसद् फेस गर्न प्रधानमन्त्री दाहालसँग आग्रह गरेको उनले बताए। रास्वपाबाट वर्तमान सरकारमा पार्टीका सभापति रवि लामिछाने उपप्रधानमन्त्री तथा गृहमन्त्री, उपसभापति डोलप्रसाद अर्याल श्रम, रोजगार तथा सामाजिक सुरक्षामन्त्री, विराजभक्त श्रेष्ठ युवा तथा खेलकुदमन्त्री तथा सुमना श्रेष्ठ शिक्षा, विज्ञान तथा प्रविधिमन्त्रीे छन्।