भाारतले जित्यो क्रिकेट विश्वकप उपाधि
काठमाडौं–दक्षिण अफ्रिकालाई ७ रनले हराउँदै भारत आइसिसी टी–२० क्रिकेट विश्वकप २०२४ को च्याम्पियन बनेको छ। भारतले १७ वर्षपछि विश्वपकको ट्रफी उचालेको हो। यसअघि भारतले सन् २००७ मा पहिले पटक टी–२० विश्वकपको उपाधि जितेको थियो। वेस्टइन्डिजको बार्बाडोसस्थित कोन्सिङ्टन ओभलमा भारतले दक्षिण अफ्रिकालाई १७७ रनको लक्ष्य दिएको थियो। प्रत्युत्तरमा दक्षिण अफ्रिका निर्धारित २० ओभरमा आठ विकेट गुमाउँदा मात्र १६९ रनमा समेटियो।
अन्तर्राष्ट्रिय सञ्चार माध्यमका अनुसार दक्षिण अफ्रिकाका लागि हेनरिक क्लासेनले सर्वाधिक ५२ रनको योगदान दिए। उनले २७ बलमा दुई चौका र पाँच छक्काको सहयोगमा ५२ रन बनाएका हुन्। त्यस्तै, क्विन्टर डी ककले ३९ र क्रिस्टन स्टब्सले ३१ रन बनाए। भारतका हार्दिक पान्ड्याले सर्वाधिक तीन विकेट लिए भने अरसदीप सिहं र जसप्रित बुमराहले समान दुई–दुई विकेट लिए।
यसअघि टस जितेर पहिला ब्याटिङ रोजेको भारतले निर्धारित २० ओभरमा सात विकेट गुमाउँदै १७६ रनको योगफल बनाएको थियो।
भारतका लागि विराट कोहीले कोहलीले ५९ बलमा ६ चौका र दुई छक्काको मद्दतले सर्वाधिक ७६ रन बनाए। यसैगरी अक्षर पटेलले ४७ र शिवम दुबेले २७ रन जोडे। दक्षिण अफ्रिकाका लागि केशव महाराज र एनरिच नोर्ट्जेले समान दुई–दुई विकेट लिए भने मार्को यानसन र कागिसो रबाडाले समान एक–एक विकेट लिए।
