प्रमुख समाचार
Friday, 14 Jun, 2024
पहिरोमा पुरिँदा एकै परिवारका ४ को मृत्य, २ घाइते
ताप्लेजुङ। फक्ताङलुङ गाउँपालिका–२ खेजिनिममा गए राती पहिरोमा पुरिएर एकै परिवारका ४ जनाको मृत्यु भएको छ भने २ घाइते भएका छन्। फक्ताङलुङ गाउँपालिका–२ का वडाध्यक्ष भूपेन्द्र चौलागाईंका अनुसार पहिरोमा पुरिएर फक्ताङलुङ गाउँपालिका–२ खेजिनिमका ६९ वर्षीय रामबहादुर लिम्बू, उनकी श्रीमती जसमाया र लिम्बू दम्पतीका दुई छोरी ९ वर्षीया गंगा र जमुनाको मृत्यु भएको हो। यसैगरी ४० वर्षीया युगेन लिम्बू र उनकी तीन वर्षीया छोरी घाइते भएका छन्।
गत बुधबार रातीदेखिको अविरल वर्षासँगै आएको बाढीले फक्ताङलुङ गाउँपालिका क्षेत्रमा ६ वटा पुल बगाएको छ। पुल बगेपछि यातायातका साधन सञ्चालनमा समस्या भएको जिल्ला प्रहरी कार्यालयले जनाएको छ।
