प्रमुख समाचार
Monday, 3 Jun, 2024
बालुवाटारमा प्रचण्ड, देउवा र ओलीबीच भेटवार्ता
काठमाडौं– प्रधानमन्त्रीको सरकारी निवास बालुवाटारमा तीन शीर्ष नेताबीच भेटवार्ता भएको छ। सहकारी ठगी प्रकरण छानबिन गर्न संसदीय समिति गठन भएसँगै सत्तारुढ एमाले, नेकपा माओवादी केन्द्र र कांग्रेसबीचको मनमुटाव हटेसँगै तीन शीर्ष तीन छलफलमा जुटेका हुन्।
सोमबार बिहान प्रधानमन्त्री तथा माओवादी केन्द्रका अध्यक्ष पुष्पकमल दाहाल, एमाले अध्यक्ष केपी ओली र प्रमुख प्रतिपक्ष नेपाली कांग्रेसका सभापति शेरबहादुर देउवाबीच प्रधानमन्त्रीको सरकारी निवास बालुवाटारमा छलफल भएको हो।
सहकारी रकम अपचलन छानबिन गर्न संसदीय छानबिन समिति गठनपछि पहिलो पटक तीन नेता एकै ठाउँ बसेर छलफल भएको हो।
नेतात्रयबीच बजेट र छानबिन समितिको काम–कारबाही, समसामयिक राजनीतिबारे छलफल भएको बुझिएको छ। यद्यपि बालुवाटार छलफलको विषय हालसम्म सार्वजनिक भइसकेको छैन।
