प्रमुख समाचार
Wednesday, 29 May, 2024
परराष्ट्र सचिव लम्सालले भेटिन् राष्ट्रसंघ महासचिव गुटेरेसलाई
काठमाडौं– परराष्ट्र सचिव सेवा लम्सालले संयुक्त राष्ट्रसंघका महासचिव एन्टोनियो गुटेरेससँग भेट गरेकी छ। भेट अवसरमा नेपाल र राष्ट्रसंघबीचको सहकार्य, नेपालले अल्पविकसित देशबाट स्तरोन्नति भई मध्यमस्तरको विकासशील देशमा जाने योजना, राष्ट्रसंघले नेपालको विकासमा खेलेको भूमिकालगायत विषयमा छलफल भएको न्युयोर्कस्थित स्थायी नियोगले जनाएको छ।
भेट अवसरमा उनीहरुबीच जलवायु परिवर्तनलगायत बहुपक्षीय चासोका विषयमा छलफल भएको बताइएको छ। सचिव लम्साल बरमुडामा आयोजित चौथो अन्तर्राष्ट्रिय विकासशील साना टापु राष्ट्रहरूको सम्मेलनमा नेपालका तर्फबाट भाग लिन अमेरिका पुगेकी हुन्। सोही सम्मेलनको साइड लाइन बैठकमा सचिव लम्सालले महासचिव गुटेरेससँग शिष्टाचार भेट गरेको परराष्ट्र मन्त्रालयले बताएको छ।
