रिडी पावरले खुलायो ५० प्रतिशत हकप्रद सेयर बिक्री
काठमाडौं– रिडी पावर कम्पनीले शुक्रबारदेखि ५० प्रतिशत हकप्रद सेयर बिक्री खुलाएको छ। कम्पनीले १ः०.५० अनुपातमा ७७ लाख ४४ हजार ५०६ कित्ता हकप्रद सेयर बिक्री खुलाएको हो। कम्पनीले १ सय अंकित मूल्यमा ७७ करोड ४४ लाख ५० हजार ६ सय रुपैयाँ बराबरको हकप्रद सेयर निष्कासन गरेको छ। कम्पनीले हकप्रद सेयरका लागि माघ २२ मा बुक क्लोज गरिसकेको छ।
बिक्री प्रबन्धक मुक्तिनाथ क्यापिटलले रहेको यो हकप्रद सेयरमा लगानीकर्ताले चैत ८ सम्म आवेदन दिन सक्नेछन्। यो हाइड्रोपावरको लगानी तथा व्यवस्थापनमा रहेको साझा पावर डेभलपमेन्ट कम्पनीको स्वामित्वमा रहने तल्लो बलेफी जलिविद्युत् आयोजना निर्माण गर्न र उक्त आयोजनामा स्वपुँजी व्यवस्थापन गर्न हकप्रद सेयर निष्कासन गरेको हो। हाल रिडी पावरको चुक्ता पुँजी १ अर्ब ५४ करोड ८९ लाख १ हजार २०० छ। हकप्रदपछि चुक्ता पुँजी २ अर्ब ३२ करोड ३३ लाख रुपैयाँ पुग्नेछ।
