Breaking News
Monday, 2 Jan, 2017
संसद्को दोस्रो बैठक सूचना टाँस गरी स्थगन
काठमाडौँ, १८ पुस । व्यवस्थापिका–संसद्को आज तय भएको दोस्रो बैठक सूचना टाँस गरी स्थगन गरिएको छ ।
संसद्मा दर्ता भएको संविधान संशोधनको प्रस्तावको विरोधमा प्रमुख प्रतिपक्षी नेकपा (एमाले) लगायतका दलको अवरोधका कारण संसद् बैठक अवरुद्ध हुँदै आएको छ । कार्यव्यवस्था परामर्श समितिको परामर्शमा सभामुख ओनसरी घर्तीले सूचना टाँस गरी मङ्गलबार दिउँसो १ बजेसम्मका लागि बैठक स्थगन गर्नुभएको हो । प्रमुख दलहरुबीच सहमतिको प्रयासका लागि संवाद चलिरहेकाले आजको दोस्रो बैठक स्थगन भएको एमालेका प्रमुख सचेतक भानुभक्त ढकालले जानकारी दिनुभयो ।
आजको पहिलो बैठक विपक्षीको अवरोधपछि अवरुद्ध भएको थियो । रासस
