खेलकुद
Wednesday, 31 Aug, 2022
नेपालमा सार्वजनिक गरियो विश्वकपको ट्रफी
विश्व भ्रमणअन्तर्गत सोमबार नेपाल आइपुगेको ट्रफी बुधबार भक्तपुर दरबार स्क्वायरमा सार्वजनिक गरिएको हो
काठमाडौं–आईसीसी पुरुष टी–२० विश्वकप क्रिकेटको ट्रफी सार्वजनिक गरिएको छ । विश्व भ्रमणअन्तर्गत सोमबार नेपाल आइपुगेको ट्रफी बुधबार भक्तपुर दरबार स्क्वायरमा सार्वजनिक गरिएको हो ।
ट्रफी बुधबार नै राष्ट्रपति तथा प्रधानमन्त्री कार्यलयमा पु¥याइनेछ । टी–२० विश्वकपको ट्रफी पहिलो पटक नेपाल ल्याइएको हो ।नेपाली राष्ट्रिय महिला क्रिकेट टोलीकी कप्तान रुविना क्षेत्रीलगायतले ट्रफी सार्वजनिक गरेका हुन् ।
यसअघि नेपालमा सन् २०१९ को एकदिवसीय क्रिकेटको ट्रफी सार्वजनिक भएको थियो । विश्वकपको १०० दिने ट्रफी टुरअन्तर्गत ट्रफी नेपाल ल्याइएको हो । यो ट्रफी विश्वका १३ मुलुकका ३५ स्थानमा प्रदर्शन गरिनेछ ।
