बैठकले श्रमजीवी पत्रकारको न्युनतम पारिश्रमिकको पनि टुंगो लगाएको छ। न्यूनतम पारिश्रमिक निर्धारण समितिले सिफारिस गरेअनुसार नै तय भएको पारिश्रमिक अनुसार राष्ट्रिय मिडियामा कार्यरत श्रमजीवी पत्रकारले १९,५००, राष्ट्रिय मिडियाका श्रमजिवी कामदार/कर्मचारीको १४,४०० पारिश्रमिक निर्धाण गरिएको छ। अन्य संचार प्रतिष्ठानका श्रमजिवी पत्रकारको १४,१०० र आम संचार प्रतिष्ठानका श्रमजिवी कामदार/कर्मचारीको न्युनतम पारिश्रमिक १२,५०० निर्धारण गरिएको संचारमन्त्रालयको समेत जिम्मेवारी पाएका उद्योग मन्त्री सोमप्रसाद पाण्डेले जानकारी दिए।
भूकम्पबाट प्रभावित संरचनाको पुनः निर्माणको निम्ति सार्वजनिक खरिद कार्यबिधिलाई पनि बैठकले संसोधनसहित स्वीकृत गरेको छ। उद्योगमन्त्री पाण्डेका अनुसार दोस्रो अन्तराष्ट्रिय विमानस्थल निजगढको जग्गा अधिग्रहण तत्काल सुरू गर्ने र नेपाल सरकारकै पुँजीमा विमानस्थल निर्माण गर्ने निर्णय भएको छ।
