प्रमुख समाचार
Wednesday, 24 Aug, 2022
थपिए ६३४ कोरोना संक्रमित
काठमाडौं– पछिल्लो २४ घन्टामा थप ६३४ जनामा कोरोना संक्रमण पुष्टि भएको स्वास्थ्य मन्त्रालयले बताएको छ । मन्त्रालयका अनुसार यो अवधिमा कोरोना संक्रमणका कारण एक जनाको मृत्यु भएको छ ।
मन्त्रालयका अनुसार ४,९४९ को परीक्षण गर्दा ६३४ जनामा संक्रमण पुष्टि भएको हो ।२,७५७ को पीसीआर परीक्षण गर्दा ३४३ र २,१९२ को एन्टीजेन परीक्षण गर्दा २९१ जनामा संक्रमण देखिएको मन्त्रालयले बताएको छ ।
मंगलबार थपिएकासँगै कोरोनाका सक्रिय संक्रमितको संख्या ४,२२१ पुगेको छ । पछिल्लो २४ घन्टामा ४१७ जना संक्रमणमुक्त भएको मन्त्रालयको विवरणमा उल्लेख छ ।