प्रमुख समाचार
Friday, 19 Aug, 2022
इजरायलले कृषि क्षेत्रमा थप १ हजार नेपाली लैजाँदै
काठमाडौं– कृषि क्षेत्रमा नेपालबाट थप १ हजार हजार नेपाली कामदार लैजाने नेपालस्थित इजरायली दूतावासले श्रम, रोजगार तथा सामाजिक सुरक्षा मन्त्रालयलाई जानकारी गराएको छ ।यसअघि केयर गिभरमा १ हजार बढी नेपाली कामदार लगेको इजरायलले कृषि कामका लागि उक्त संख्या थपेको हो ।
मन्त्री शेरबहादुर कुँवरसँग भेट गरी इजरायलका राजदूत खनान गोदेरले कृषि क्षेत्रमा नेपाली कामदार लैजाने बताएका हुन् ।
मन्त्री–राजदूतबीचको भेटमा दुई देशबीचको श्रम सम्झौताबारे छलफल मन्त्रालयले बताएको छ ।
इजरायली राजदूत गोदेर यसअघि सहायक कामदारको रूपमा १,१४७ जना कामदार इजरायल पुगिसकेको जानकारी दिएका थिए ।
इजरायल र नेपाल सरकारबीच जी टु जीमार्फत नेपाली कामदार लैजाने सहमति भएको थियो ।