कोषले सञ्चालनमा ल्यायो सामाजिक सुरक्षा एप
काठमाडौं–योगदानमा आधारित सामाजिक सुरक्षा कोषले सामाजिक सुरक्षा एप सञ्चालनमा ल्याएको छ ।श्रम, रोजगार तथा सामाजिक सुरक्षामन्त्री शेरबहादुर कुँवरले एपको सुरुआत गरे ।हाल यो एप गुगल प्ले स्टोर तथा आइफोनको एप स्टोरमा उपलब्ध भइनसकेको कोषले बताएको छ।‘अहिले कोषको वेबसाइटमा गएर डाउन लोड गर्न सकिन्छ । प्ले स्टोर र एप स्टोरमा उपलब्ध हुने प्रक्रिया अघि बढिसकेको छ,’ कोषका सूचना अधिकारी रोशन कोजुले भने ।
एपमार्फत योगदानकर्ताले कोषमा जम्मा भएको रकमबारे जानकारी लिन सक्नेछन् ।एपमार्फत आफ्नो केवाइसी अपडेट पनि गर्न सकिने कोषका सूचना अधिकारी कोजुले बताए ।त्यस्तै, यो एपबाट अवकाश योजनाको रकम भुक्तानी लिन, योगदानकर्ता विशेष सापटीका लागि आवेदन दिन तथा अस्पतामा उपचारका लागि योग्य रहे वा नरहेकोबारे जानकारी लिन सकिनेछ ।
कोषबाट प्रदान गरिने सबै किसिमका सेवा–सुविधाको जानकारी आफ्नै मोबाइलमार्फत लिन सकिनेछ ।
