जहाँबाट कोरोना आयो, त्यहाँ जान रोक

विश्व स्वास्थ्य संगठनको कोरोना भाइरस जाँच टोलीलाई चीन प्रवेशमा अवरोध

एजेन्सी

कोरोना भाइरसको उत्पत्तिबारे अध्ययन गर्न चीन जान लागेको विश्व स्वास्थ्य संगठन (डब्लुएचओ) को टोलीलाई रोकेको छ ।
डब्लुएचओबाट खटिएको उक्त टोलीका सदस्यहरूको भिसा स्वीकृत नभएको जनाउँदै चीनले प्रवेशमा रोक लगाएको द गार्डियनले जनाएको छ । तर, केही सदस्यहरू चीनका लागि उडिसकेका छन् ।
डब्लुएचओ महानिर्देशक टेड्रोस अडानोम गेब्रियससले संगठनको टोलीलाई प्रवेश गराउन चिनियाँ अधिकारीहरूसँग सम्पर्क गरिसकेको बताएका छन् ।
‘यो समाचारबाट म एकदमै निराश छु, दुई सदस्यले आफ्नो यात्रा सुरु गरिसकेका छन् र अन्तिम समय अरूले भ्रमण गर्न पाएनन्,’ उनले भने, ‘तर चिनियाँ उच्च अधिकारीहरूको सम्पर्कमा छु । यो मिसन डब्लुएचओ र अन्तर्राष्ट्रिय टिमका लागि महत्वपूर्ण रहेको प्रस्ट पार्न चाहन्छु ।’
संगठनले विभिन्न राष्ट्रका विज्ञ भएको टोलीलाई केही महिनाका लागि वुहानमा अध्ययन गर्न पठाउने योजना बनाएको थियो । यसका लागि उसले गत जुलाईदेखि नै चिनियाँ अधिकारीहरूसँग वाता सुरु गरेको थियो । वैज्ञानिकहरूले यो भाइरसको उत्पत्ति कसरी भयो र मानिसमा कसरी स¥यो भन्ने विषय बुझ्न आवश्यक रहेको बताउँदै आएका छन् ।
डब्लुएचओको टोली वुहानमा सुरुमा देखिएका संक्रमणबारे अध्ययन गर्न जान लागेको हो ।