मणिकुमारलाई बेलायती राजपरिवारको प्रतिनिधि बन्ने ऐतिहासिक अवसर
एजेन्सी
लन्डन
बेलायती राजपरिवारको प्रतिनिधि बन्ने महत्वपूर्ण अवसर एक नेपालीले पाएका छन् । अवकाशप्राप्त गोरखा सैनिक मणिकुमार राईले यस्तो अवसर पाएका हुन् ।
उनलाई बेलायती महारानीले ह्याम्पसायर काउन्टीका लागि डेपुटी लर्ड लेफ्टिनेन्ट पदमा नियुक्त गरेकी हुन् ।
बेलायतमा हरेक काउन्टी र बोरोमा महारानीको प्रतिनिधिका रूपमा लर्ड लेफ्टिनेन्ट राखिन्छ । जसको जिम्मेवारी राजपरिवारको स्थानीय क्षेत्रमा भ्रमण हुँदा त्यसको व्यवस्थापन गर्ने, अवार्ड प्रदान गर्ने, पदकका लागि सिफारिस गर्ने, नागरिकले आयोजना गरेका कार्यक्रममा राजपरिवारका तर्फबाट प्रतिनिधित्व गर्ने, स्थानीय जल, स्थल, वायु र सेनाका अन्य टुकडीसँग समन्वय गर्ने, स्थानीय स्तरमा राजपरिवारका सदस्यले प्रतिनिधित्व गर्ने संस्थामा नेतृत्व, सल्लाह र नियुक्ति दिनेलगायत हुन्छन् ।
पूर्वमेजर राई हाल गोरखा ब्रिगेड एसोसिएसनको सचिव छन् । उनले सन् २००५ देखि ग्रासोट्समा गोरखा दरबार नामक नेपाली रेस्टुरेन्ट सञ्चालन गरिरहेका छन्
