Breaking News
Tuesday, 31 Jan, 2017
उपप्रधानमन्त्री निधि र बेलायतका राजदूत भेटवार्ता
काठमाडौँ, १८ माघ । उपप्रधानमन्त्री विमलेन्द्र निधिसँग नेपालका लागि बेलायतका राजदूत रिचर्ड मरिसले भेटवार्ता गर्नुभएको छ ।
गृह मन्त्रालयमा आज दिउँसो भएको भेटमा उपप्रधानमन्त्री निधि र राजदूत रिचर्डबीच दुई देशबीचको सम्बन्ध, आपसी हित र चासोका विषयमा कुराकानी भएको गृहमन्त्री निधिका प्रेस सल्लाहकार रामजी दाहालले जानकारी दिनुभयो ।
सो भेटमा नेपाल र बेलायतबीचको आर्थिक, सामाजिक र राजनीतिक सम्बन्ध प्राचीनकालदेखि नै रहेको उल्लेख गर्दै गृहमन्त्री निधिले बेलायतले लामो समयदेखि नेपालको विकास निर्माणमा गरेको सहयोगका लागि धन्यवाद दिनुभएको दाहालले बताउनुभयो ।
सो अवसरमा राजदूत रिचर्डले आगामी दिनमा दुई देशबीच आपसी सहयोग र मित्रता बढ्दै जाने विश्वास व्यक्त गर्नुभएको थियो । रासस
