डा. केसीको माग सम्बोधन गर्न आज पनि वार्ता हुँदै
श्रावण ७, २०७३- आमरण अनसनको तेह्रौं दिन शुक्रबार पनि प्रा.डा.गोविन्द केसी पक्ष र सरकारी प्रतिनिधिबीच वार्ता सुरु हुँदै छ। बिहीबार भएको वार्तामा सरकारी पक्षले ल्याएका प्रस्तावहरुमा डा.केसीले असन्तुष्ट जनाएपछि वार्ता निस्कर्षबिहीन भएको थियो ।
शुक्रबार बिहान स्वास्थ्य मन्त्राय सिंहदरबारमा केसी पक्षधर र सरकारी प्रतिनिधिबीच वार्ता सुरु हुन लागेको हो । वार्तामा सहभागी सुमन आचार्यका अनुसार डा. केसीले सरकारी प्रतिनिधिले वार्ताको क्रममा राखेका प्रस्तावहरुमा असन्तुष्टि जनाएका छन् ।
केसीलाई समेत वार्तामा भएका सबै कुरा जानकारी दिएपछि उनको म्यान्डेट लिएर पुनः केसीका प्रतिनिधिहरु सरकारी टोलीसँग वार्तामा बस्न लागेका छन् । ‘पहिलो चरणको वार्तामा कुनै निष्कर्षमा पुगेका छैनौं’ नेपाल चिकित्सक संघका अध्यक्ष डा.अन्जनी झा वार्तामा माग पूरा गर्ने विभिन्न विकल्पबारे मात्र छलफल भएको जानकारी दिए ।
वार्तामा डा.केसीको प्रतिनिधिका रुपमा डा.रंजन सापकोटा, डा.जीवन क्षेत्री, डा.लिजन महर्जन, डा.स्नेह बन्धु रेग्मी, सुमन आचार्य र चिकित्सक संघका अध्यक्ष डा.अन्जनी झा तथा सरकारी पक्षबाट स्वास्थ्य सचिव उप्रेती, निमित्त शिक्षा सचिव अवस्थी र प्रधानमन्त्री कार्यालयका सचिव अधिकारी सहभागी छन् ।कान्तिपुर बाट साभार
