नेप्से परिसूचकमा दोहोरो अंकको गिरावट

काठमाडौं–यो साता कारोबारको पहिलो दिन उच्च अंकले बढेको नेपाल स्टक एक्सचेञ्ज ९नेप्से० परिसूचक आज दोस्रो दिन भने दोहोरो अंकको गिरावट देखिएको छ। आज नेप्से परिसूचक १७।१८ अंकले घटेर दुई हजार दुई सय ४० दशमलव ४१ को बिन्दुमा कायम भएको हो। आज तीन सय ३२ कम्पनीको दुई करोड ५० लाख ७९ हजार ७९ कित्ता सेयर एक लाख दुई हजार तीन सय ७२ पटक खरिदबिक्री हुँदा आठ अर्ब ७३ करोड १४ लाख ३६ हजार ३७ बराबरको कारोबार भएको छ।
आज जलविद्युत् समूह शून्य दशमलव ७३, लगानी एक दशमलव ७०, उत्पादन तथा प्रशोधन शून्य दशमलव १२ र म्युचुअल फण्ड एक दशमलव ६७ प्रतिशतले बढेको छ भने अरु सबै समूहको उपसूचक घटेको छ। बैंकिङ एक दशमलव ४८, विकास बैंक एक दशमलव ८९, वित्त शून्य दशमलव ५२, होटल तथा पर्यटन एक दशमलव ७६ र जीवन बीमा समूह एक दशमलव ६५ प्रतिशतले घटेको छ। लघुवित्त एक दशमलव ४१, निर्जीवन बिमा शून्य दशमलव ९१, व्यापार शून्य दशमलव ५२ र अन्य समूह एक दशमलव १९ प्रतिशतले घटेको छ।
सिभिल बैंक डिभेञ्चर–२०८८ र माण्डु हाइड्रोपावरको सेयर मूल्यमा सकारात्मक सर्किट लागेको छ भने जानकी फाइनान्सको सेयर मूल्यमा नकारात्मक सर्किट लागेको छ। कारोबार रकम र कारोबार भएका सेयर संख्याका आधारमा आज सबैभन्दा धेरै अपर तामाकोशी हाइड्रोपावरको ३७ अर्ब आठ करोड ७२ लाख पाँच सय ८९ बराबरको २१ लाख ७४ हजार सात सय २८ कित्ता सेयर किनबेच भएको छ।