Breaking News
Friday, 30 Dec, 2016
साफ महिला च्याम्पियनसिपः नेपाल समूह विजेता बन्दै सेमिफाइनलमा
काठमाडौँ, १५ पुस । नेपाल चौथो साफ महिला च्याम्पियनसिपको सेमिफाइनलमा प्रवेश गरेको छ ।
भारतको सिलगुढीस्थित कञ्चनजङ्घा रङ्गशालामा आज भएको खेलमा नेपाल श्रीलङ्कालाई १–० गोलले पराजित गर्दै सेमिफाइनलमा प्रवेश गरेको हो । समूह ’ए’ मा तीनै खेल जित्दै नेपाल नौ अङ्कका साथ शीर्षस्थानमा छ ।
पहिलो हाफ बराबरीमा सकिएको खेलको ८८ औँ मिनेटमा नेपालकी सपना लामाले हानेको कर्नर किक श्रीलङ्काली खेलाडीको खुट्टामा लागेर आत्मघाती गोलमा परिणत भएको थियो । त्यसपछि खेलमा कुनै गोल हुन नसकी नेपाल १–० ले जित्यो ।
अब नेपालले सोमबार सेमिफाइनलमा समूह ‘बी’को उपविजेतासँग खेल्नेछ । यसअघि नेपालले पहिलो खेलमा भुटानमाथि ८–० र माल्दिभ्समाथि ९–० ले जित हासिल गरेको थियो ।
