नेप्से २१.७६ अंकले बढ्यो

आज नेप्से परिसूचक २१.७६ अंक बढेर २८९२.७२ विन्दुमा पुगेको छ । यसदिन नेप्सेमा कारोबारमा आएकामध्ये १५३ कम्पनीको शेयर मूल्य बढ्दा ९६ कम्पनीको घटेको छ । यस दिन सबै उपसमूहको परिसूचकमा हरियाली छाएको छ । जसमध्ये लघुवित्त उपसमूहको परिसूचक सर्वाधिक १.९३ प्रतिशत बढेको छ । त्यस्तै, यस दिन विकास बैंक, निर्जीवन बीमा र अन्य उपसमूहको परिसूचक १ प्रतिशतभन्दा बढी बढेको छ।

नेप्से बढेपनि यस दिन कारोबार रकम भने अघिल्लो कारोबार दिनको तुलनामा घटेको छ । अघिल्लो कारोबार दिन अर्थात आइतबार करिब साढे २१ अर्बको शेयर खरिदबिक्री भएको बजारमा यस दिन १६ अर्ब ३२ करोड ७१ लाख १५ हजार रुपैयाँबराबरको शेयर खरिदबिक्री भएको छ।

यस दिन ३ स्टकको शेयर सकारात्मक सर्किट लेभलमा कारोबार भएको छ। यस दिन थ्री स्टार हाइड्रोपावर, ट्रेड टावर र सान्भि इनर्जीको शेयर सकारात्मक सर्किट लेभलमा कारोबार भएको हो। त्यसैगरी, यस दिन उन्नति सहकार्य लघुवित्त वित्तीय संस्थाको शेयरमूल्य करिब साढे ९ प्रतिशत बढेको छ। कारोबारमा आएको ग्रीन डेभलपमेन्ट बैंक र सप्तकोशी डेभलपमेन्ट बैंकको शेयर यस दिन नकारात्मक सर्किट लेभलमा कारोबार भएको छ।