विश्व
Thursday, 1 Sep, 2022
ताज महलको नाम बदल्ने प्रस्ताव
ताज महलको नाम ‘तेजो महालय’ राख्ने प्रस्ताव गरिएको हो
काठमाडौं–भारतको उत्तर प्रदेशस्थित ताज महलको नाम फेर्न प्रस्ताव गरिएको छ । आगरा नगर निगमले ताज महलको नाम बदल्ने प्रस्ताव ल्याएको हो ।
ताज महलको नाम ‘तेजो महालय’ राख्ने प्रस्ताव गरिएको हो । निगमको परिषद्ले पारित गरे र त्यसलाई मुख्यमन्त्री आदित्यनाथ योगी क्याबिनेटले स्वीकृत गरे नाम फेरिनेछ।यो पुरातात्त्विक संरक्षित स्मारक रहेकाले यसको नाम फेर्न केन्द्र सरकारको पनि निर्णय आवश्यक पर्नेछ । ताज महलमा शिवको मन्दिर रहेको भन्दै विवाद बढाइएकै बेला नाम फेर्ने प्रस्ताव आएको हो ।
उत्तर प्रदेशमा योगी आदित्यनाथ मुख्यमन्त्री भएपछि विभिन्न सहर, सडक तथा महलको नाम फेरिन थालेको छ ।
पछिल्लो चार वर्षमा आगरामा ८० वटा सडकको नाम फेरिएको छ । यहीअनुसार ताज महलको नाम फेर्न आवाज उठ्दै आएको छ ।
