Exclusive News
Saturday, 6 Feb, 2021
नेपाललाई ५ लाख डोज कोरोना खोप दिने चीनको घोषणा
परराष्ट्रमन्त्री प्रदीपकुमार ज्ञवाली र चिनियाँ विदेशमन्त्री वाङ यीबीच शुक्रबार टेलिफोन संवाद भएको छ । उक्त अवसरमा चिनियाँ विदेशमन्त्रीले नेपाललाई ५ लाख डोज कोरोना खोप दिने बताएका छन् ।
चीनले नेपाललाई दिने ५ लाख डोज कोरोना खोप अनुदान हुनेछ । परराष्ट्र मन्त्रालयका अनुसार विदेशमन्त्री वाङले कोरोना खोपका लागि नेपाललाई प्राथमिकतामा राख्ने वचनसमेत दिएका छन् ।
यसअघि १८ माघमा चीनले ३ लाख कोरोना खोप दिने भनेको थियो । अहिलेसम्म कुनै पनि चिनियाँ खोप आपतकालीन प्रयोगका लागि नेपालमा दर्ता भएको छैन । यसअघि अर्को छिमेकी भारतले नेपाललाई १० लाख डोज कोरोना खोप उपलब्ध गराइसकेको छ ।
