प्रचण्ड–नेपाल नेकपाको पेरिसडाँडा बैठक : प्रधानमन्त्री ओलीसँग स्पष्टीकरण माग
दुई चिरा भएको नेकपाभित्र माधवकुमार नेपाल–पुष्पकमल दाहाल समूहको बैठक शुक्रबार पेरिसडाँडामा बसेको छ । पेरिसडाँडा बैठकले प्रधानमन्त्री केपी ओलीलाई स्पष्टीकरण सोध्ने र उनी निकट विष्णु पौडेललाई महासचिवबाट हटाउने निर्णय गरेको छ ।
बैठकले प्रधानमन्त्री ओलीलाई पार्टी अनुशासनविपरीत काम गर्न नछाडेकाले किन साधारण सदस्यबाट नहटाउने भन्ने स्पष्टीकरण सोध्ने निर्णय गरेको छ ।
संसद् विघटनपछि प्रचण्ड–माधव समूहले अध्यक्षबाट ओलीलाई अध्यक्ष पदबाट पुस ७ मै हटाएको थियो । यद्यपि उनी केन्द्रयी सदस्य कायम थिए । तर, ओलीलाई साधारण सदस्यबाट समेत किन नहटाउने भन्ने स्पष्टीकरण सोध्ने निर्णय गरेको छ ।
बैठकले १६ माघमा जनप्रदर्शन गर्ने निर्णय गरेको स्थायी कमिटी सदस्य वेदुराम भुसालले बताए । बैठकले प्रदेश १ को अध्यक्षको जिम्मेवारी घनेन्द्र बस्नेतलाई दिएको छ । यस्तै, प्रदेश सह–इन्चार्जको जिम्मेवारी जयन्ती राई, राजेन्द्र राई, पदम राई, पेशल खतिवडा र जगनाथ खतिवडालाई दिने निर्णय गरेको छ ।