Exclusive News
Saturday, 12 Dec, 2020
कांग्रेस नेता सिटौलालाई कोरोना संक्रमण
नेपाली कांग्रेसका नेता कृष्णप्रसाद सिटौलालाई कोरोना संक्रमण पुष्टि भएको छ ।
उनले शुक्रबार ह्याम्स अस्पतालमा स्वाब परीक्षण गराएका थिए ।
शनिबार बिहान रिपोर्ट पोजेटिभ आएको कांग्रेस मुख्यसचिव कृष्णप्रसाद पौडेलले बताए ।
‘हिजो साँझ स्वाब परीक्षण गराउनुभएको थियो । उहाँलाई कोरोना पोजेटिभ देखिएको छ,’ मुख्यसचिव पौडेलले भने, ‘उहाँ होम आइसोलेसनमै हुनुहुन्छ ।’
संक्रमण देखिएपछि बसेको पार्टीको आकस्मिक केन्द्रीय समिति बैठकमा उनी अनुपस्थित भएको मुख्यसचिव पौडेलले जानकारी दिए ।
सिटौला २९ कात्तिकमा महोत्तरीमा सरकारविरुद्ध हुने प्रदर्शनमा खटिने बताए पनि अब जाने छैनन् ।
