आक्रमण तत्काल रोक्न पुटिनको निर्देशन
मस्को – रूसका राष्ट्रपति भ्ल्यादिमिर पुटिनले सिरियामा जारी विद्रोह तत्कालै रोक्नका लागि निर्देशन दिएका छन्।सिरियामा हुँदै आएको आक्रमण दैनिक रूपमा पाँच घन्टा रोक्नका लागि पुटिनले निर्देशन दिएका हुन्।
सिरियाको स्थानीय समयअनुसार बिहान ९ बजे देखि दिउँसो २ बजेसम्म कुनै पनि आक्रमण राेकिने रूसी रक्षा मन्त्रालयले बताएको छ।सिरियाको विद्रोही नियन्त्रित क्षेत्र गुटामा सिरिया सरकारले विभिन्न रासायनिक आक्रमण गर्दै आइरहेको छ । उक्त आक्रमणमा रूस सरकारकाे समेत सहयोग रहँदै अाएकाे छ।
आक्रमणबाट करिब ५ लाखको मृत्यु भइसकेको छ। मृत्यु हुनेहरूमा अधिंकाश बालबालिका रहेका छन्। सिरियाली सरकारको यस्तो कार्यको विश्व स्तरबाट नै चर्काे आलोचना भइरहेको छ।संयुक्त राष्ट्रसंघको सुरक्षा परिषद्को बैठकले सिरियामा तत्कालै युद्धविरामको घोषणा गर्नुपर्ने बताएपनि राष्ट्रसंघको उक्त प्रयास विफल भएको छ।
