सातै प्रदेशमा इन्धन भन्डारणका लागि जग्गा खरिद प्रक्रिया शुरु
काठमाडौँ – नेपाल आयल निगमले इन्धन भण्डारण गृह निर्माणका लागि जग्गा खरिद प्रक्रिया अगाडि बढाएको छ ।
९० दिनलाई पुग्ने गरी इन्धन भण्डारण स्थल निर्माण गर्न निगमले सूचना गरी जग्गा खरिद प्रक्रिया शुरु गरेको छ । निगमले विभिन्न जिल्लामा जग्गा खरिदका लागि टेन्डर आह्वान गरिसकेको छ । सातै प्रदेशमा इन्धन भन्डारण गृह निर्माण गर्ने तयारी निगमको छ ।
निगमले एक महिना एक महिनाअघि नै जग्गा उपलब्ध गराइदिनका लागि आपूर्ती मन्त्रालयमा प्रस्ताव पठाएको थियो । मन्त्रालयले निगमलाई आफै अध्ययन गरी खरिद गर्न निर्देशन दिएपछि प्रक्रिया अगाडि बढाएको हो ।
निगमले सातै प्रदेशमा पर्ने गरी झापा, रुपन्देही विराटनगर, चितवन नेपालगञ्ज धनगढी तथा धादिङ र नुवाकोटको बीच्मा भन्डारण गृह स्थापना गर्ने जनाएको छ ।
हालद निगमसँग काठमाडौँ, अमलेखगञ्ज, विराटनगर, जनकपुर, भैरहव, पोखरा र नेपालगञ्ज, सुर्खेत धनगढी र दिपायलका भण्डारण गृह गरेर ७१ हजार ६ सय २२ किलोलिटर मौज्दात राख्ने क्षमता छ । आजको कारोबर दैनिकमा समाचार छ ।
