बंगलादेशले जित्यो साफ यु–१६ महिला उपाधि

काठमाडौं–बंगलादेशले साफ यु–१६ महिला च्याम्पियनसिप फुटबल उपाधि जितेको छ। सातदोबाटोस्थित एन्फा कम्प्लेक्समा सम्पन्न फाइनल खेलमा बंगलादेशले भारतलाई टाइब्रेकरमा ३–२ गोलले हराएको हो। निर्धारित समयमा १–१ गोलको बरीबरी सकिएपछि खेलको नतिजा टाईब्रेकरबाट लिइएको थियो। टाइब्रेकर बंगलादेशका लागि मारियम बिन्ता हन्ना, थुनी मर्मा र साथी मुन्डाले गोल गरिन्। सौभरभी अखण्ड प्रीति र अल्पी अख्तर चुक्नुभएको थियो । प्रितिको प्रहार भारतीय गोलकिपर मुन्नीले बिफल पारिन् भने अख्तरको प्रहार पोलमा लागेर फर्किएको थियो।
यस्तै, भारतका लागि स्वेता रानी र अन्विता रघुरमानले गोल गरे। एलिनादेवी सारंगथेम, बोनिफिलिया शुल्लई र दिव्यारानी लिन्डाको प्रहार बंगलादेशकी गोलकिपरले बचाइन्। यसअघि भारतले चौथो मिनेटमै अनुष्का कुमारीको गोलबाट सुरुवाती अग्रता लिएको थियो। ७१औं मिनेटमा बंगलादेशकी मरियम बिन्ता हन्नाले बराबरी गोल गरेकी थिइन्। चार टोली सहभागी च्याम्पियनसिपमा नेपाल र भुटान समूह चरणबाट बाहिरिएका थिए। विजेतालाई युवा तथा खेलकुदमन्त्री विराजभक्त श्रेष्ठ, अखिल नेपाल फुटबल संघ ९एन्फा० का अध्यक्ष पंकजविक्रम नेम्वाङलगायतले पुरस्कार वितरण गरेका थिए।