लौरो चुनाव चिह्न खारेजी मागसहित आयोगमा उजुरी
हाम्रो नेपाली पार्टीले स्वतन्त्र उम्मेदवाको साझा चुनाव चिह्न लौरो खारेजी गर्न माग गर्दै आयोगमा दियो उजुरी
काठमाडौं– लौरो चुनाव चिह्न खारेज गर्न माग गर्दै दुई स्वतन्त्र उम्मेदवारले निर्वाचन आयोगमा उजुरी दिएका छन् ।
हाम्रो नेपाली पार्टीले लौरो चुनाव चिह्न लिएर दल दर्ता गरेको छ । तर पछिल्लो समय स्वतन्त्र उम्मेदवाको साझा चुनाव चिह्न भनेर प्रचार गरिएको भन्दै आयोगमा उजुरी परेको हो ।
काठमाडौं–९ मा उम्मेदवारी दिने घोषणा गरेका सुनिल रिजाल र ५ का विजय कँडेलले आयोगमा दिएको निवेदनमा भनिएको छ, ‘यदि पार्टी दर्ता गर्दा स्वतन्त्रको साझा चुनाव चिह्न भनी दर्ता गरिएको छैन भने उक्त चुनाव चिह्न स्वतन्त्रको साझा तथा वैकल्पिक चिह्न भनेर भ्रम सिजर्नना गर्ने काम भइरहेको हुँदा उक्त चिह्न खारेजीको माग गर्दछु।’
हाम्रो नेपाली पार्टीलाई नयाँ चुनाव चिह्न दिनुपर्ने उनीहरुको माग छ ।