प्रेस्टिज मिडियाले मनायो वार्षिकोत्सव
काठमाडौं– चावहिलमा रहेको प्रेस्टिज मिडियाले आप्mनो ११ औँ वार्षिकोत्सव मनाएको छ । वार्षिकोत्सव उद्घाटन पूर्वमन्त्रिपरिषद्का अध्यक्ष एवं पूर्वप्रधानन्यायाधीश खिलराज रेग्मीले शनिबार गरेका हुन् ।
कार्यक्रममा प्रमुख अतिथि रेग्मीले सञ्चार माध्यम समाजको ऐना भएकाले यसको प्रस्तुतिलाई सहज रूपमा दर्शक÷श्रोतामाझ ल्याउन सफल प्रेस्टिज मिडियाले सञ्चालन गर्दै आएको भाषण कलासम्बन्धी तालिम सराहनीय भएको बताए । नेतृत्व विकास र व्यक्तित्व विकासमा समर्पित संस्थाले ११ वर्षदेखि उत्पादन गरेको जनशक्तिले भाषण कलाका माध्यमबाट समाजलाई सुसूचित गर्न सहयोग पु¥याएकामा उनले धन्यवाद दिए ।
कार्यक्रमका विशेष अतिथि नेपाल विद्युत् प्राधिकरणका पूर्वकार्यकारी निर्देशक एवं उज्यालो नेपालका अभियन्ता कुलमान घिसिङले नेतृत्व विकास भनेकै नेतृत्वकर्ता भएकाले आफैंले आफैंलाई नेतृत्वमा पुग्न सक्ने क्षमता विस्तार गर्नुपर्ने सुझाव दिए । उनले प्रेस्टिज मिडियाले गर्दै आएको कामको उच्च प्रशंसा गर्दै व्यवस्थापन उत्कृष्ट भए कुनै पनि कार्यक्रम सफल हुने धारणा राखे ।
वार्षिकोत्सवमा सहभागी प्रेस्टिज मिडियाबाट तालिम लिएकाहरूले संस्थाले आफूहरूको आन्तरिक क्षमतालाई बाहिर ल्याउन सहयोग पु¥याएकामा धन्यवाद दिए । उनीहरूले प्रेस्टिज मिडिया नेतृत्व विकास र अभिव्यक्ति कलाको सिकाइमा उत्कृष्ट रहेको अनुभव सुनाए ।
वार्षिकोत्सवमा सहभागीहरूले प्रेस्टिज मिडियाले गर्दै आएको काम सराहनीय भएकाले आगामी दिनमा निरन्तरता दिएर अझै उचाइमा पुगोस् भन्ने शुभकामना व्यक्त गरे ।
उक्त कार्यक्रममा प्रेस्टिज मिडियाबाट तालिम लिएका वर्षभरिका ८ जना उत्कृष्ट प्रशिक्षार्थीलाई विभिन्न विधामा अवार्ड वितरण गरिएको थियो ।
वार्षिकोत्सव कार्यक्रमको अध्यक्षता प्रेस्टिज मिडियाका प्रबन्ध निर्देशक एवं भाषणकला प्रशिक्षक अग्निप्रसाद भट्टराईले गरेका थिए ।
प्रेस्टिज मिडियालाई सफलताको उचाइमा पु¥याउन सहयोग र साथ दिने सबैलाई उनले धन्यवाद दिए । अध्यक्ष भट्टराईले संस्थालाई एक दशकको समयबाट पार लगाउँदा आइपरेका कठिनाइ एवं चुनौतीबारेका अनुभव सुनाए ।
हालसम्म संस्थाबाट हजारौंले भाषण कलासम्बन्धी तालिम लिइसकेको जानकारी दिए । संस्थाले सर्वसाधारण, नेपाल सरकारका कर्मचारी, सांसददेखि गाउँपालिका अध्यक्ष, वडाध्यक्ष, विभिन्न राजनीतिक दलका नेता, सामाजिक अभियन्तालगायतलाई भाषण कलासम्बन्धी प्रशिक्षण गराउँदै आएको भट्टराईले बताए ।