अर्थ बाणिज्य / समाज Monday, 15 Feb, 2021
Prestige Media

महँगो प्रतिबन्धित लागूऔषधको कारोबार सेटिङ जेलबाटै

काठमाडौँ : केन्द्रीय कारागारमा रहेका एक भारतीय नागरिकले जेलबाटै प्रतिबन्धित लागूऔषध एम्फेटामाइन (आइस ड्रग) कारोबारको सेटिङ मिलाउने गरेको खुलेको छ । पुर्पक्षका क्रममा रहेका भारतीय नागरिक शेखशमशेर आलमले गोरखाको अजिरकोट–२ घर भई काठमाडौं बस्दै आएका ३८ वर्षीय चिजकुमार गुरुङमार्फत नेपालबाट युरोपमा आइस ड्रग पठाउने गरेको तथ्य खुलेको हो ।

गैरकानुनी बाटो हुँदै अफगानिस्तान, इरान, इराकलगायत एसियाका द्वन्द्वग्रस्त मुलुक जान भरपुर प्रयास गरेर पनि असफल भएका चिजकुमारलाई रेणु सारूमगरले आलमसँग भेट गराइदिएकी थिइन् । ठगी अभियोगमा काठमाडौं जिल्ला अदालतको आदेशमा आलम मंसिर २८ देखि पुर्पक्षका क्रममा केन्द्रीय कारागारमा छन् भने ठगी अभियोगमै ३ लाख धरौटी बुझाउन नसकेपछि रेणु पनि केन्द्रीय कारागारमै छिन् ।

रेणुले विदेश पठाइदिने भन्दै चिजकुमारसँग रकम असुलेकी थिइन् । आफूले दिएको पैसा फिर्ता दिन वा विदेश पठाउन चिजकुमारले उनलाई दबाब दिइरहेका थिए । चिजकुमारबाट लिएको रकम रेणुले भारतीय नागरिक आलमलाई दिएको बताएकी छन् । पैसा फिर्ता गर्नुको सट्टा रेणु र आलमले चिजकुमारलाई आइस ड्रग कारोबारबाट पैसा कमाउने जुक्ति सुझाए र त्यसमा आफू लाग्ने योजना सुनाए । आलमले अन्तर्राष्ट्रिय कारोबारीसँग सेटिङ मिलाउने, रेणु र चिजकुमारले एक ठाउँबाट अर्को ठाउँमा ओसारपसारमा सघाउने, पार्सल गर्ने वा गन्तव्य मुलुकबाट आएका गिरोहसम्म आइस ड्रग पुर्‍याइदिनेसम्मका योजना बुनेका थिए ।
चिजकुमारले भने आलमकै योजनामा काम गर्न थाले । यसको सुइँको पाएपछि प्रहरीले अनुसन्धान गर्ने क्रममा चिजकुमार गएको माघ २५ गते २ सय २२ ग्राम आइस ड्रगसहित टोखाबाट पक्राउ परे । आइस ड्रग महँगो प्रतिबन्धित लागूऔषध हो ।

लागूऔषध नियन्त्रण ब्युरोका एसएसपी दिलीपकुमार चौधरीका अनुसार अन्तर्राष्ट्रिय बजारमा गिरोहले आइस ड्रग प्रतिग्राम ८० देखि १ सय अमेरिकी डलरसम्म हालेर किन्छन् । यो लागूऔषध बर्मा, लाओस, थाइल्यान्डलगायत देशबाट भारत हुँदै नेपाल भित्रिने गरेको छ । जेलमा रहेका आलमले तेस्रो मुलुकबाट भारत हुँदै नेपालसम्म यो लागूऔषध ल्याएर चिजकुमार र रेणुलाई भरियाका रूपमा प्रयोग गरी हवाईमार्गबाट विदेश पठाउने गरेको आशंका प्रहरीको छ ।

‘आइस ड्रग विश्वमै महँगो लागूपदार्थ मानिन्छ, अझ नेपाललगायत आयस्रोत कम भएका देश यसको बजार हुँदै होइन । चिजकुमारबाट रकम असुलेर तिर्न नसकेपछि दबाबमा परेका आलम र रेणु दुवैले लागूऔषध कारोबारको पोल खोलिदिएको पनि हुन सक्छ तर प्रहरी अधिकारी यो विषयमा बोल्न चाहेनन् । आइस ड्रग थकान हुन नदिन, मानिसलाई उत्तेजित पार्न, डर, त्रास भगाउन अनि उत्साहित बनाउन धूवाँका रूपमा सेवन गर्ने गरेको पाइन्छ । अझ युद्धमा लडाइँ गर्दा विद्रोही पक्षले गुरिल्ला तथा छापामारलाई सरकारी फौजसँग भिड्न पठाउनुअघि आइस ड्रगस लगायतका लागूपदार्थ सेवन गराउने गरेको पाइन्छ ।

यो सेवन गरेपछि फौजलाई लडाइँ लड्न उत्साह जाग्ने, आकाशमा उडेजस्तो अनुभूति हुने, थकान नलाग्नेलगायत गुण देखा पर्ने लागूऔषध कारोबारविरुद्धको अनुसन्धानमा संलग्न एक प्रहरी अधिकारीको भनाइ छ । एसएसपी चौधरीले विदेशमा पठाउनेबाहेक नाइट क्लबमा पनि यसको खपत हुन सक्ने आशंकामा अनुसन्धान थालिएको बताए । प्रहरीले चिजकुमारको कोठाबाट डिजिटल तराजुसमेत बरामद गरेका कारण उनी पेसेवर कारोबारी भएको प्रहरीको दाबी छ । यसअघि प्रहरीले आव २०७५र०७६ मा १ केजी ३ सय २४ ग्राम, गत आवमा ६ केजी ४ सय ८३ ग्राम र चालु आव २०७७र०७८ पुससम्म ५ सय ३१ ग्राम आइसड्रग बरामद गरेको थियो । अधिकांश यो लागूपदार्थ भारतका विभिन्न नाका हुँदै नेपाल भित्रिएको थियो ।

तपाईंको प्रतिकृया

सम्बन्धित समाचार

६ महिनाभित्र रिठेपानीडाँडा कटान गर्न सरकारलाई निर्देशन

बिहिबार बोलायो कांग्रेसले पदाधिकारी बैठक

त्रिभुवन विमानस्थलले घटायो सञ्चालन अवधि, चैत १५ बाट दैनिक १८ घण्टा मात्र खुल्ने

अदालतको फैसलाले दिएको समयसीमा भित्रै बैठक बस्छ : परराष्ट्रमन्त्री ज्ञवाली

संविधानको हत्या गर्ने प्रधानमन्त्रीले राजीनामा नदिए १३ दिनभित्र गल हत्याएर निकाल्ने भुसालको चेतावनी

बुधबार सुनको भाउ तीन सय रुपैयाँले घट्यो

सर्वोच्च अदालतद्वारा संसद् विघटन बदर : १३ दिनभित्रै बैठक बोलाउन आदेश

रुपन्देहीमा एक वर्षीया शिशुको हत्या गरेको आरोपमा आमाबाबुसहित ५ जना पक्राउ

२५ करोड रुपैयाँ बराबरका सामग्रीे खरीद गर्दै निर्वाचन आयोग

नेपालमा २४ घण्टाभित्र १२५ संक्रमित, ९० जना संक्रमणमुक्त

रक्तदान कार्यक्रम सम्पन्न

१५ दिनपछि उठायो परिवारले भागरथी भट्टको शव

Most Read

‘मनिराम बा’ अब म्युजिक भिडियो निर्देशक (भिडियो सहित )

मोड्लिङमा भबिस्य खोज्दै सारा तामाङ

बिराज भट्टको कमव्याक जय पर्शुराम भोलि बाट नै चल्ने।

बारबाट थाहा पाउनु होस् तपाईको प्रेम सम्बन्ध को सँग राम्रो को सँग नराम्रो………….

बिष्णु माझी र रोशन गैरेको आवाजमा निकै मार्मिक लोक दोहोरी गीत सार्वजनिक (भिडियो सहित )

क्षेत्र बहादुर श्रेष्ठ अनिललाई राष्ट्रिय सभामा लैजाने प्रचण्डको प्रतिबद्धता

प्रचन्डको बुद्दी सात आठ बर्से बालिकाको जस्तै : ज्योतिसी पन्डित पुरुसोतम पौडेल (सुन्नुहोश )

सेल्फि खिच्दा ज्यानै गुम्यो

डिभीको नतिजा सार्वजनिक (नतिजा हेर्ने साइट र तरिकासहित)

कार्संग तामाङको मौलिक भाका ‘सिन्धु मेलम्ची हाम्रो गाउँ’

  • rg

PMC TV NEPAL