Breaking News
Tuesday, 20 Oct, 2020
जसपाको संघीय परिषद् अध्यक्षमा भट्टराई
जनता समाजवादी पार्टी (जसपा) ले पार्टी नेता डा. बाबुराम भट्टराईलाई संघीय परिषद् अध्यक्ष बनाएको छ ।
पार्टीको मंगलबार बसेको केन्द्रीय कार्यकारिणी समिति बैठकले भट्टराईलाई संघीय परिष्द अध्यक्ष बनाएको पार्टीका एक नेताले बताए ।
‘उहाँ (भट्टराई) लाई संघीय परिषद् अध्यक्ष बनाइएको हो । अहिले पनि बैठक जारी छ,’ ती नेताले भने ।
भट्टराईका सहयोगी रोशन पोखरेलले केन्द्रीय कार्यकारिणी समिति बैठकमा भट्टराईलाई संघीय परिषद् अध्यक्ष बनाउने प्रस्ताव पेस भइसकेको जानकारी दिए ।
‘आज बेलुकीसम्म सबै निर्णय सार्वजनिक हुन्छ,’ उनले भने ।
जसपामा महन्थ ठाकुर र उपेन्द्र यादव केन्द्रीय कार्यकारिणी समिति अध्यक्ष छन् ।
पार्टी एकीकरण हुनुअघि भट्टराई समाजवादी पार्टी संघीय परिषद् अध्यक्ष थिए । राष्ट्रिय जनता पार्टीसँग समाजवादीले पार्टी एकता गरेपछि जसपाको वरिष्ठ नेता मात्र थिए ।
